Shitën Audin luksoz të marrë me qira, arrestohen 2 persona në Tiranë

Policia e Tiranës ka arrestuar dy persona të cilët shitën një automjet Audi Q8, që e kishin marrë me qira, në Kosovë.

Bëhet me dije se në kërkim janë shpallur dhe 2 shtetas të tjerë, bashkëpunëtorë në këtë veprimtari kriminale.

Sekuestrohen automjeti i marrë më qira (Audi Q8) dhe një automjet tjetër që dyshohet se është trafikuar nga këta shtetas.

Materialet në ngarkim të tyre i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.

“Në kuadër të këtij operacioni u kapën dhe u ndaluan shtetasit K. H., 23 vjeç dhe P. T., 38 vjeç, të dy banues në Korçë.

Gjithashtu, u shpallën në kërkim shtetasit F. B. dhe J. C.

Nga veprimet hetimore dyshohet se këta shtetas kanë marrë me qira në Kosovë, një automjet “Audi Q8″ dhe më pas ia kanë shitur shtetasit J. C., i cili e ka çuar automjetin, në një servis në Vaqarr, për heqjen e pajisjes GPS.

Në cilësinë e provës materiale janë sekuestruar automjeti i marrë më qira (Audi Q8) dhe një automjet tjetër që dyshohet se është trafikuar nga këta shtetas.

Vijon puna për dokumentimin e rasteve të tjera të trafikimit të mjeteve, që mund të jetë kryer nga këta shtetas, për kapjen e shtetasve të shpallur në kërkim dhe për identifikimin e shtetasve të tjerë të përfshirë në këtë veprimtari kriminale”, njofton policia.

LEXONI GJITHASHTU: 

• Apeli i GJKKO shpall vendimin për Moisi Habilajn
• Me automatik dhe municion luftarak, arrestohet në flagrancë 64-vjeçari