Dëshmia e parë kundër UÇK-së, kritika për tjetrësimin e videos në gjyqin në Hagë

Gjykata Speciale të marten rinisi seancën gjyqësore kundër ish-krerëve të UÇK-së, në të cilën paraqitja e deshmitares se pare.

Megjithatë, përveç betimit të saj dhe përgjigjeve në disa pyetje të përgjithshme nga prokurori, ku ajo tregoi se është intervistuar dy herë nga Prokuroria Speciale, pjesa tjetër e deshmisë u bë në seancë të mbyllur.

Edhe gjatë këtyre dy rasteve, fotografia dhe zëri i gruas ishte i mbuluar. Për këtë pati reagime në Prishtinë nga Organizata e Veteranëve të UÇK-së. Drejtuesi aktual i kësaj organizate, Faton Klinaku,shprehu revoltën e tij në rrjetet sociale.

“Pak po ju duket që i fshihet fytyra dhe zëri dëshmitares, veç edhe kalojnë në seancë edhe më private”, ka shkruar ai.

Sipas aktakuzës së Prokurorisë Speciale, e cila ka nisur thirrjen e dëshmitarëve, krimet e paraqitura në të u kryen prej marsit 1998 deri në shtator 1999 në disa vende në Kosovë dhe Shqiperi, si në Kukës dhe Cahan.

Pretendohet se këto krime u kryen nga anëtarë të UÇK-së kundër qindra civilëve dhe personave që nuk merrnin pjesë në luftime.

Në aktakuzë pretendohet se Thaçi, Veseli, Selimi dhe Krasniqi kanë përgjegjësi penale individuale për krimet që u kryen në kontekstin e një konflikti të armatosur jondërkombëtar në Kosovë dhe ishin pjesë e një sulmi gjerësisht të përhapur dhe sistematik kundër personave që dyshoheshin se ishin kundër UÇK-së.