Tjetërsimi i pronave, hiqet arresti i shtëpisë ndaj ish-deputetit të PS

Gjykata e Lezhës i ka hequr masën e sigurisë arrest shtëpie ish-deputetit socialist Arben Ndoka, i akuzuar si i përfshirë në  tjetërsimin e pronave tek “Rana e Hedhun”.

Gjykata ka caktuar për Ndokën masën e detyrimit të paraqitjes ndërsa më herët Gjykata e Posaçme veçoi çështjen ndaj tij duke e dërguar në Lezhë.

Ndërkohë në Gjykatën e Posaçme vijon procesi për pjesën tjetër e grupit mes tyre dhe Gjevi Ndoka, vëllai ish-deputetit dhe familjarë të tjerë të tij.

Arben Ndoka i zgjedhur deputet në siglën e PS-së për Qarkun e Lezhës dorëzoi mandatin e deputetit në shtator 2015, pas presionit të ushtruar nga opozita dhe akuzave të saj se ishte person me të kaluar kriminale.

Për çështjen e tjetërsimit të pronave në zonën e njohur si “Rana e Hedhun” në Shëngjin është dënuar dhe ish-kreu i Bashkinë Lezhë, Fran Frrokaj si dhe disa ish-zyrtarë të tjerë.