Lëndimi i Ibrahimoviç, suedezi të paktën 10 ditë jashtë fushave, humbet tre ndeshjet e radhës

Pas lëndimit që pësoi në ndeshjen përballë Napolit në Serie-A, Zlatan Ibrahimovic do të duhet që të qëndrojë të paktën 10 ditë pushim. Suedezi do të humbasë kështu dy ndeshjet e Europa League përballë Lille dhe Celtic si dhe ndeshjen e kampionatit përballë Fiorentinës.

Megjithatë për të kuptuar shkallën e vërtetë të lëndimit Ibrahimovic do të duhet që të presë edhe 10 ditë pastaj do të bëjë ekzaminimet e dyta mjekësore që do të përcaktojnë saktë, gjendjen fizike të tij.

Në rast se në analizat e radhës gjendja e tij do jetë e mirë atëherë ai do të mund të rikthehet menjëherë në stërvitje edhe pse sipas të gjitha gjasave gjigandi i sulmit të Milanit mund të qëndrojë të paktën katër javë pushim.

Zlltan ibrahimovic është një mungesë e madhe për kuqezinjtë pasi ka qenë mjaft vendimtar për ekipin gjatë këtij sezoni.

Në tetë javët e para të Serie-A ka arritur të realizojë 10 gola dhe për momentin mban kreun e golashënuesve në kampionatin italian.