Vilat luksoze 1.6 milionë euro në bregdet, eksperti: Target janë shtresa e lartë

Drejtori Ekzekutiv i Shoqatës së Pasurive të Paluajtshme, Reinaldo Pipiria, ishte i ftuar këtë të hënë në Euronews Albania, ku foli në lidhje me rritjen e çmimit të vilave luksoze në bregdetin shqiptar, të cilat kapin shifra deri në 1.6 milionë euro.

Pipiria tha se targeti për shitjen e këtyre vilave janë persona të shtresës së lartë në vendet e rajonit, por dhe në Evropën Perëndimore.

“Aty ku ka projekte të mira siç është pjesa e Durrësit, pjesa e Vlorës, siç po zhvillohet Palasa, ashtu siç po zhvillohet Ksamili dhe Saranda, këto janë zona që marrin vëmendjen e shtetasve të huaj që janë duke parë për rajonin për të investuar. Këto projekte targetojnë shtresën e lartë të Kosovës, të Maqedonisë së Veriut, të Serbisë, Zvicrës dhe Evropën perëndimore, siç është Gjermania dhe pjesa e nordikëve.

Të gjitha projektet, hiq pjesë e Palsës që ka përfunduar, janë në ndërtim e sipër dhe është herë për të thënë nëse i kemi ezauruar shitjet. Janë duke bërë një marketing agresiv dhe janë duke përqasur tregun ndërkombëtar”, tha Pipiria.

LEXO GJITHASHTU:

• Deri në 1,6 milionë euro, shtrenjtohen vilat në bregdet
• U operua me urgjencë, mjeku tregon gjendjen e kryeministrit Rama