Hetimi i krimeve zgjedhore nga SPAK, Komisioni i Ligjeve shtyn votimin për ndryshimet ligjore

Komisioni i Ligjeve ka shtyrë votimin për ndryshimet ligjore që i hapin rrugë SPAK-ut të hetojë krimet zgjedhore dhe prokurorisë të raportojë në KQZ për këto hetime.

Sipas përfaqësuesit të ministrisë së drejtësisë në Komision, Besim Beja, kreu i Prokurorisë nuk mund të raportojë në KQZ për hetimet e krimeve zgjedhore pasi është përgjegjësi vetëm e prokurorit të çështjes.

Sipas Bejës ndryshimet që po bëhen në ligjin  “Për organizimin e Prokurorisë” cenojnë reformën në drejtësi.

Për këtë arsye kryetari i Komisionit të Ligjeve, Ulsi Manja shtyu votimin për një moment të dytë.

Hetimi i krimeve zgjedhore nga SPAK dhe raportimi i Prokurorisë janë pika të dakordësuara në marrëveshjen e 5 qershorit me opozitën jashtë kuvendit.

5 muaj para zgjedhjeve, Kuvendi ka miratuar vetëm ndryshimet në ligjin për partitë politike që rregullon financimin nga 7 ligje gjithsej,  të cilat kërkojnë votën e ligjvënësve.