Sulm me thikë në perëndim të Gjermanisë, plagosen disa persona

Një operacion i madh policor është duke u zhvilluar në qytetin gjerman, Dusburg, meqë disa persona janë plagosur, si pasojë e një sulmi me thikë në një qendër fitnesi.

Policia ka thënë se situata ende është e paqartë. Një zëdhënës policor ka konfirmuar se operacioni është duke u kryer nga policia e qytetit të afërt Esen, dhe qytetarëve u është bërë thirrje që ta shmangin zonën e sulmit.

“Ne jemi në skenën e sulmit me përforcime”, ka thënë Policia e qytetit Esen në Twitter.

Transmetuesi publik WDR, ka raportuar se dy autorët e sulmit, i kanë therur me thikë vizitorët, në një qendër fitnesi.

Sipas informacioneve të gazetave gjermane, i dyshuari, apo të dyshuarit, ende janë në arrati.

Autoritetet nuk kanë dhënë shifrën e saktë të të plagosurve. Gjithashtu arsyeja e sulmit, ende nuk dihet ende.

LEXONI GJITHASHTU:

• G7 zotohet për një qëndrim të ashpër dhe të unifikuar kundër Rusisë
• ‘Kina po copëton BE-në’, Von der Leyen: Pekini me taktikën ‘përça dhe sundo’