Përplasi për vdekje mjekun shqiptar dhe u largua, arrestohet 81-vjeçari

Një javë pas vdekjes në aksident në Zyrih, të Jetmir Morinës, dentistit me origjinë shqiptare nga Kosova, autoritetet zviceriane kanë arrestuar një person të dyshuar.

Siç shkruan gazeta Blick.ch në pranga ka rënë një 81-vjeçar, i cili dyshohet se ka shkaktuar aksidentin dhe është larguar nga vendngjarja.

Ngjarja ndodhi në autostradën A1, në Zyrih, kur 30-vjeçari, Jetmir Morina ndaloi t’i jepte ndihmë disa personave që ishin aksidentuar në atë zonë.

Por në ato momente një makinë ka përplasur Jetmirin duke e hedhur në ajër e duke e përplasur me një makinë tjetër. Aksidenti, fatkeqësisht ishte fatal për 30-vjeçarin, ndërkohë që shoferi 80-vjeçar u largua me urgjencë nga vendngjarja.

30-vjeçari nga fshati Topanicë i Kamenicës, ishte diplomuar për stomatologji dhe prej 6-vitesh jetonte dhe punonte në Zvicër së bashku me bashkëshorten me të cilën kishte 3 vajza.

LEXO GJITHASHTU:

• Ekskluzive| Momenti kur 20-vjeçari goditet për vdekje me thikë në mes të Tiranës
• Doli të shpëtonte jetë, kush është stomatologu shqiptar që vdiq aksidentalisht
• E shtypën 2 makina duke dhënë ndihmë në një aksident, humb jetën shqiptari në Zvicër