Champions League, ndeshja Inter-Real Madrid vlen për kualifikimin

Vëmendja e ndeshjeve të së mërkurës në UEFA Champions League do të jetë tek përballja Inter-Real Madrid.

Të dyja skuadrat kanë zhgënjyer deri më tani dhe përballja mes tyre mund të jetë përcaktuese për fatet e grupit.

Në ndeshjen e shkuar kampionët e Spanjës fituan 3-2 ndaj italianëve, të cilët do të duhet të bëjnë çmos për të shmangur një tjetër rezultat negativ.

Nga kjo ndeshje mund të përfitoj Borussia Monchengladbach e cila pret në shtëpi ukrainasit e Shakhtar Donetsk. Këta gjermanët i mundën 6-0 në sfidën e dy javëve më parë në Donbass. Fitorja e radhës ndaj tyre do t’i çonte gjermanët në kuotën e 8 pikëve duke siguruar më shumë vendin e parë.

Në Grupin A, Bayern Munich synon të sigurojë vendin e parë që garanton kalimin në fazën tjetër në pozita më të mira.

Skuadra bavareze ka arritur që të marrë maksimumin e pikëve në tre ndeshjet e para dhe ndaj Salzburgut konsiderohet favorite për tjetër fitore.

Në ndeshjen tjetër, Atletico Madrid synon të konfirmojë forcën me Lokomotivën e Moskës.

Edhe Manchester City do të arrinte kualifikimin për në fazën me eliminim direkt nëse do të marrë tre pikë ndaj grekëve të Olimpiakosit. Ndeshja tjetër e Ligës C është ajo mes Marseille – Porto.

Liverpool është skuadra e vetme që nuk ka pësuar asnjë gol në fazën e grupeve dhe po ashtu është në kërkim të fitores së katërt në grup, këtë herë ndaj Atalantës.

Ajax-i në anën tjetër do të atë forcat me danezët e Midtjylland që ende nuk kanë marrë asnjë pikë.