Mësimi me alternime, Basha: Rama nuk ka asnjë plan për të menaxhuar pandeminë

Kryetari i Partisë Demokratike, Lulzim Basha, ka reaguar sërish pas vendimit të komunikuar nga Ministria e Shëndetësisë, se duke nisur nga muaji dhjetor mësimi në shkollat parauniversitare do të vijojë në mënyrë të kombinuar online dhe në klasë.

Kryedemokrati Basha shkruan në “Twitter” se kryeministri Edi Rama e ka humbur kontrollin mbi pandeminë e Covid-19, dhe kjo sipas tij dëshmohet nga deklarata e tij kontradiktore.

“Dje Rama deklaroi se nuk ka asnjë arsye për të mbyllur shkollat sepse “fëmijët nuk të infektojnë me koronavirus”. Ndërsa sot shpalli mbylljen e pjesshme të shkollave. Rama e ka humbur kontrollin ndaj pandemisë dhe as që ia ka idenë se çfarë duhet bërë”, shkruan Basha. 

Dje Rama deklaroi se nuk ka asnjë arsye për të mbyllur shkollat sepse “fëmijët nuk të infektojnë me koronavirus”. Ndërsa sot shpalli mbylljen e pjesshme të shkollave. Rama e ka humbur kontrollin ndaj pandemisë dhe as që ia ka idenë se çfarë duhet bërë.

— Lulzim Basha (@lulzimbasha_al) November 25, 2020

Për kryetarin e selisë blu, kryeministri nuk ka asnjë plan për t’i bërë ballë pandemisë, ndërsa shton se Shqipëria ka nevojë urgjente për një qeveri, që punon dhe mendon për njerëzit.

“Rama nuk ka asnjë plan. Dhe pa plan, nuk mund ta fitosh luftën kundër pandemisë. Shqipëria ka nevojë për një qeveri që punon dhe merr vendimet e duhura për njerëzit, jo për qeverinë Rama që çfarë thotë sot, nuk thotë nesër”, thekson ai.

Lexoni gjithashtu: 

Manastirliu: Nga 1 dhjetori mësim i alternuar, në klasë dhe online