Ekspozitë me materiale të riciklueshme, nxënësit e Korçës në mbrojtje të mjedisit

Një ekspozitë me materiale të riciklueshme është çelur në qytezën e fëmijëve në Korçë.

Nxënësit e 19 shkollave të juglindjes kanë ekspozuar punime mjaft interesante, kryesisht të frymëzuara nga natyra e Korçës por dhe nga zonat që vijnë.

“Ka qenë një punë shumë  e thjeshtë duke krijuar bashkëpunime mes njëri tjetri. Mjetet janë të riciklueshme, e meqë Korça shquhet si Paris i vogël, kemi krijuar Parisin dhe parkun që Korça e ka shumë të bukur”, thotë nxënësja Laura Çaushi.

Në një kohë kur ndotja e mjedisit është kthyer në një problem serioz këta fëmijë japin një mesazh të qartë për bashkëmoshatarët e tyre dhe jo vetëm.

“Duhet ta duam mjedisin dhe nuk duhet të shpërdorojmë asgjë, gjithçka mund të kthehet në diçka tjetër, që nga një tapë e vogël deri në një mbeturinë të madhe”, thotë nxënësi Jonel Killo

Kjo ekspozitë është organizuar në formën e një konkursi, ku në fund njëra prej shkollave do të shpallet fituese.

LEXONI GJITHASHTU:

• “Qëndro në shkollë”- Projekti kundër braktisjes së arsimit nga nxënësit
• Mësuesja shqiptare në Londër: Këtu mësuesit sillen 2-fish më keq se nxënësit