Mori pjesë në vrasjen e 20-vjeçarit, jepet masa e sigurisë për Ensi Mazen

Gjykata ka caktuar masën e sigurisë “Arrest me burg”, për Ensi Mazen, një nga autorët e dyshuar të vrasjes së 20-vjeçarit Stivën Toshkëzi në orët e para të mëngjesit të së hënës në kryeqytet.

Toshkëzi u qëllua me thikë në orët e para të së hënës në Rrugën ‘4 Dëshmorët’ në kryeqytet, pranë gjimnazit “Partizani”, nga shtetasit Aksel Hoxhaj, në bashkëpunim me Ensi Mazen.

Hoxhaj u vetëdorëzua të enjten në polici dhe pritet të dalë përpara gjykatës ditën e shtunë për dhënien e masës së sigurisë.

Në deklarimet e tij avokati i Mazes tha se klienti i tij nuk ka lidhje me ngjarjen dhe u gjet rastësisht aty me shokun e tij Aksel Hoxhaj.

Ai shtoi se Maze nuk ishte në dijeni të konflikteve që shoku i tij Aksel Hoxhaj kishte me viktimën.

LEXO GJITHASHTU:

• Ekskluzive| Momenti kur 20-vjeçari goditet për vdekje me thikë në mes të Tiranës
• Ekskulzive/ Pamjet e vrasjes me thikë të 20-vjeçarit, viktima vrapon drejt banesës
• ‘Moll sherri’ një vajzë, si u vra 20-vjeçari në Tiranë. Autorët i bën pritë pas pune