“U përplas kur kalonte rrugën”- Detaje nga aksidenti: Qytetarët debat me policinë

Një aksident i rëndë ka ndodhur në lagjen 14 të qytetit të Durrësit mesditën e sotme, ku një e moshuar në tentativë për të kaluar rrugën është përplasur nga një automjet të drejtuar nga një 22-vjeçare.

Gruaja ka qëndruar e gjakosur për disa minuta në mes të rrugës dhe pas ardhjes së ambulancës u transportua në spital, ku po merr kujdesin e nevojshëm mjekësor.

Gazetarja Kloida Gjuzi ka zbuluar se në momentet e para pas aksidentit pati një konflikt verbal mes qytetarëve dhe efektivëve, të cilët i kërkonin policisë llogari për vonesën e autoambulancës.

“Ndodhem në lagjen 14 të qyetit, në zonën e Shkozetit, ku për pasojë kemi një të moshuar e cila ka tentuar të kalojë rrugën dhe automjeti i bardhë që shihni në video e ka pasur të pa mundur të frenojë duke e marrë përpara.

Pati dhe konfrontime me qytetarëve dhe policisë të cilët kërkonin që e moshuara të transportohej me urgjencë në spital, pasi ambulanca nuk kishte ardhur ende”, tha Gjuzi.

LEXONI GJITHASHTU:

• VIDEO| Makina “fluturon” jashtë rruge, humb jetën 15-vjeçari, 1 i plagosur rëndë
• Aksident i rëndë në Durrës, një grua e gjakosur në mes të rrugës
• “Mjeti i mbushur me birra” -Ekspertiza e aksidentit në Poliçan: 15-vjeçari i dehur