Milan kërkon hakmarrjen, “kuqezinjtë” synojnë fitoren ndaj Lille

Pas humbjes dy javë më parë, Milan kërkon autokritikën dhe hakmarrjen në takimin me Lille. Humbja 0-3 në San Siro bëri që skuadra e Piolit të zbriste në vendin e dytë, por në Francë kuqezinjtë duan të rikthehen tek suksesi, për të mos vënë në diskutim kalimin në raundin me eliminim direkt.

Pa Zllatan Ibrahimoviç nuk do të jetë e lehtë, pasi suedezi është kthyer në një lider të padiskutueshëm. Që nga muaji qershor, Milan ka pësuar vetëm një humbje, pikërisht në takimin e xhirove të treta të Europa League.

Roma në anën tjetër kërkon të sigurojë kalimi më tej. Kryeqytetasve do u mjaftonte një fitore ndaj Cluj për të kular në raundin tjetër dhe në dy takimet e mbetura do të duhej të mendonte vetëm për të garantuar vendin e parë.

Napoli kërkon suksesin e tretë në grup dhe ndaj Rijekës nuk lejohen gabimet, pasi grupi H është me interesanti, pasi së bashku me napolitanët dhe Real Sociedad dhe AZ Alkmar kanë nga 6 pikë, duke e bërë garën mjaft të bukur.

Në ndeshjet e kësaj të enjteje Elseid Hysaj dhe Marash Kumbulla nuk do të jenë në fushë, për shkak se janë të infektuar nga Covid -19.

Në takimet e tjerat të raundit të katërt të grupeve të Europa league mund të veçohen përballjet e Tottenham me Ludogorets dhe Molde – Arsenal.