“Zgjedhje të lira me forca të armatosura”, çfarë paralajmëroi kryeministrja serbe?

Pasi kanë urdhëruar serbet të mos marrin pjesë në zgjedhjet në katër komunat në veri të Kosovës Mitrovicë të Veriut, Zubin Potok, Leposaviq dhe Zveçan, kryeministrja serbe Bënarbiç i ka komentuar ato një ditë më parë

Duke shpërndarë fotografi të disa vendvotimeve në veri të Kosovës, kryeministrja e Serbisë, Ana Bërnabiç, tha se ato përshkruajnë në të vërtetë “sundimin e ligjit” dhe kuptimin e vërtetë të “zgjedhjeve demokratike”, të mbështetura nga komuniteti ndërkombëtar.

“Kujtoni këtë ditë. Kjo është dita kur geto e fundit evropiane legalizohet dhe legjitimohet. Këto janë imazhet që me të vërtetë përshkruajnë “sundimin e ligjit” dhe kuptimin e vërtetë të “zgjedhjeve demokratike” në Kosovë të mbështetura nga BE-ja dhe Kuinti. Kushtojini vëmendje OSBE dhe sigurohuni që t’ua rekomandoni këtë të tjerëve si shembullin më të mirë: mbajtjen e zgjedhjeve në kontejnerë të përkohshëm nën mbikëqyrjen e drejtpërdrejtë të forcave të armatosura. Zgjedhjet – të lira dhe të ndershme, me forca të armatosura dhe mjete të blinduara! Kjo është Evropa, në shekullin e 21-të”, tha Bërnabiç.

Në zgjedhje nuk mori pjesë Lista Serbe, partia më e madhe e serbëve në Kosovë, e cila, sikurse Beogradi zyrtar, ka bërë thirrje për bojkotimin e gjithë procesit. Ndërsa dy ditë para mbajtjes se zgjedhjeve një tjetër parti e minoritetit serb u tërhoq nga gara elektorale.

Me gjithë kundërshtimet e Beogradit, Shtetet e Bashkuara dhe Bashkimi Evropian kanë mbështetur zhvillimin e procesit zgjedhor në veri.

Zgjedhjet e parakohshme po mbahen pasi kryetarët e këtyre komunave – të gjithë nga radhët e Listës Serbe – kanë dhënë dorëheqje në nëntor të vitit të kaluar, në shenjë kundërshtimi ndaj vendimit të Qeverisë së Kosovës për riregjistrimin e makinave me targa ilegale serbe në RKS – Republika e Kosovës.

LEXONI GJITHASHTU:

• Radoiçiç: Nuk lejojmë që Veriu të udhëhiqet nga ata që fituan 1-2% të votave
• Rezultatet e para të zgjedhjeve në Veri, LVV dhe PDK fitojnë nga 2 komuna