SPAK plotësohet me 10 prokurorë, Arben Kraja i kërkoi KLP transferimin e 2 emrave të njohur

SPAK është plotësuar sot me dy prokurorë të rinj, duke e çuar në 10 numrin e prokurorëve që përbëjnë strukturën e këtij institucioni të ri në sistemin e drejtësisë. Këshilli i Lartë i Prokurorisë ka komanduar Vladimir Marën dhe Dritan Prençin për një periudhë njëvjeçare, pas kërkesës së vet kreut të SPAK, Arben Kraja.

Të dy këta prokurorë kanë qenë pjesë e Prokurorisë së Krimeve të Rënda dhe plotësojnë kushtet për të qenë pjesë e kësaj strukture.

Emrat e përzgjedhur nga kreu i SPAK janë prokurorë me mjaft përvojë si ish-prokurorë të Krimeve të Rënda, teksa kanë pasur në duar çështje shumë të rëndësishme.