Erlis Çela: Këlliçi po shkel në terrenin e Ramës dhe Veliaj, duhet të diferencohej

Pedagogu Erlis Çela tha në emisionin “Now” me Erla Mëhillin se posterat e fushatës së Belind Këlliçit, pavarësisht se janë diskutuar shumë nuk përbëjnë asnjë risi. Sipas tij kandidati për Tiranën e koalicionit “Bashkë fitojmë” , po përpiqet të përdor të njëjtin stil komunikimi ku kundërshtari i tij është më ekspert se ai.

Çela tha se priste që Këlliçi të vinte me një fushatë që do e diferenconte dukshëm, pasi duke ardhur me të njëjtin stil komunikimi si kundërshtari, mesazhi që u jepet votuesve është se “këta janë njësoj”

“Këtu risia mungon sepse nga pikëpamja strategjike, zoti Këlliçi po shkel në një terren që kundërshtari e ka shkelur disa herë. Në këtë stil komunikimi, zoti Rama dhe zoti Veliaj janë shumë më ekspert. unë prisja që zoti Këlliçi të kishte një fushatë e cila e diferencon dukshëm si në stil komunikimi, si në mënyrën e përcjelljes së mesazhit nga kundërshtari. se nëse është i njëjti stil komunikimi, qytetarët s’bëjnë dot diferencën”,-tha Erlis Çela në Euronews Albania.

LEXONI GJITHASHTU:

• Posteri provokues i Këlliçit, gazetari: Ne që e njohim na çuditi, s’i shkon ky imazh
• Edi Rama: Akademia e klubit të Manchester City do ketë kampusin e saj në Durrës