Posteri provokues i Këlliçit, gazetari: Ne që e njohim na çuditi, s’i shkon ky imazh

Gazetari Bledar Dedja i ftuar në Euronews Albania tha se posteri provokues i Belind Këlliçit ka qenë provokues dhe ka ngjallur debat, por ky imazh nuk i shkon për shtat kandidatit të “Bashkë fitojmë” për Tiranën.

Sipas gazetarit Dedja, ai ka zgjedhur të vijë në këtë format për shkak  të kompleksitetit të fushatës dhe ndjenjës së inferioritetit, duke gjetur këtë formë për të tërhequr më shumë vëmendje.

“Ajo që më shqetëson mua që e shikoj si mesazh politik, është uniformiteti. Nëse e shikon pavarësisht provokacionit që ka përdorur ky zotëria dhe ata që e kanë këshilluar, sepse ne që e njohim Belindin, habitemi se si e bëri ai.

Sepse kur trajtohet një kandidat ruhen konturet e identitetit  të individit, qoftë edhe nga aspekti i qasjes së tij në qytet i etikës së tij. Belindi është një person që ka etik, nuk mund t’i ngarkosh një barrë që nuk i shkon për shtat, gjëja më vogël ndikon në imazhin popullor. por e kuptoj, kompleksiteti i fushatës i ka deformuar dhe kanë kërkuar të shkojnë në ekstazë”,-tha Bledar Dedja.

LEXONI GJITHASHTU:

• Aktivisti i PS për Këlliçin: Belindi i privilegjuar, shkoi te xhaxhi Iliri dhe Saliu
• “Gishtat e mesit, korrupsionit”, kreu i FRPD: Posteri ishte sekret! Ja kush e mendoi