Brighton dhe VAR-i ndalin Liverpoolin, Inter rikthehet te fitorja

Liverpooli u ndal në një barazim 1-1 në transfertën përballë Brightonit.

Një gol në minutat e fundit të shtesës i hoqën nga duart fitoren skuadrës së drejtuar nga Jurgen Klopp.

Kampionët e Anglisë e gjetën avantazhin në fillimin e pjesës së dytë, u duk sikur fitorja e The Reds u vulos në minutën e 84-t me golin e Mane por me ndërhyrjen e VAR u anulua për pozicion jashtë loje.

Në shtesë ndërhyri sërish VAR, kësaj here për të akorduar një faull të Robertson brenda zone. Pasi u konsultua me pamjet, arbitri akordoi 11-metërsh që u kthye ne gol nga vendasit.

Liverpool ndodhet në krye te renditjes së Premier League me 21 pikë vetëm 1 më shumë se londinezët e Tottenham.

Ndërkohë që në Serie-A, Interi u rikthye te fitorja pasi mposhti 3-0 në transfertë Sasuolon.

Një sukses i rëndësishme ky për zikaltrit dhe për teknikun Antonio Conte i cili nuk i ka aspak të sigurta pozitat në krye të skuadrës pas rezultateve negative në ndeshjet e fundit.