Juventus bën hap fals, ndalet në barazim 1-1 nga Benevento, Inter mposht Sasuolon

Juventusi nuk shkoi më shumë se barazimi 1-1 në transfertë përballë Beneventos.

Zonja e vjetër nuk ka bërë nisjen e duhur të sezonit pasi nuk po arrin të ruajë një ritëm konstant dhe për momentin ndodhet në vendin e pestë të klasifikimit.

Ishte Alvaro Morata ai që kaloi në epërsi kampionët e Italisë në minutën e 21, ndërsa Benevento barazoi në fundin e pjesës së parë.

Me sa duket mungesa e Cristiano Ronaldos ndikon shumë tek bardhezinjtë, pasi pa portugezin në skuadër ekipi e ka të vështirë të fitojë ndeshje.

Ndërkohë që Interi u rikthye te fitorja pasi mposhti 3-0 në transfertë Sasuolon.

Një sukses i rëndësishëm ky për zikaltrit dhe për teknikun Antonio Conte, i cili nuk i ka aspak të sigurta pozitat në krye të skuadrës pas rezultateve negative në ndeshjet e fundit.