Armenia dhe Azerbajxhani nisin bisedimet e paqes në SHBA

Armenia dhe Azerbajxhani ende nuk kanë arritur një marrëveshje mbi rajonin e nagorno-karabah

Armenia dhe Azerbajxhani do të zhvillojnë një raund të ri bisedimesh në Uashington kete te diele, në përpjekje për të normalizuar marrëdhëniet,

Lajmi u konfirmua të shtunën nga zëdhënësja e Ministrisë së Jashtme të Armenisë.

Tensionet janë rritur sërish për rajonin e Nagorno-Karabakut që dy vendet pretendojnë se u takon.

Aty paqeruajtësit rusë u vendosën në vitin 2020 për t’i dhënë fund një lufte, e dyta që Armenia dhe Azerbajxhani kanë luftuar për enklavën që nga rënia e Bashkimit Sovjetik në vitin 1991.

Rajoni malor njihet ndërkombëtarisht si pjesë e Azerbajxhanit, por është populluar kryesisht nga armenë etnikë.

Pavarësisht përpjekjeve për ndërmjetësim mes tyre, Armenia dhe Azerbajxhani ende nuk kanë arritur një marrëveshje paqeje që do të zgjidhte çështjet e pazgjidhura si përcaktimi i kufijve dhe kthimi i të burgosurve.

Azerbajxhani ngriti një pikë të re kontrolli të dielën e kaluar në rrugën për në Karabakh, korridori Lachin, në një lëvizje që Armenia e quajti një shkelje të rëndë të armëpushimit të vitit 2020.

LEXONI GJITHASHTU: 

• Rama prezanton kandidatët në Jug: Do zgjidhni kë do merni në punë
• Dialogu Kosovë-Serbi, Rama nga Greqia: Një çështje që mbetet ende e madhe