Vrasja e Haklajve/ Idajet Beqiri: Me krijimin e SPAK motrat e Haklajve u bënë bisha

Avokati i familjes Haklaj, Idajet Beqiri, foli në emisionin Review në Euronews Albania në lidhje me padinë e bërë nga Aishe Haklaj ndaj ish-kryeministrit Berisha.

Beqiri u shpreh se familja Haklaj mendon se është krijuar klima e nevojshme nga organet e reja të drejtësisë për të zbardhur vrasjen e familjarëve të tyre, ku akuzojnë drejtpërdrejtë ish-kryeministrin Berisha si të përfshirë.

“Familje e viktimave kanë një besim tek SPAK-u dhe strukturat e reja që u ngritën dhe në këtë kuadër u rigjallëruan të gjitha viktimat. Dhe veçanërisht viktimat element femër. Kemi Durdën që me ngritjen e SPAK u bë bishë dhe kërkonte gjakun e djalit të vetë të vrarë në Gërdec. Kemi bashkëshorten dhe familjarët e tjerë të Nikës në Lezhë për vrasjen e 21 janarit.

U bënë bisha motrat Haklaj me kuptimin e vërtetë të fjalës, ku në vitin 2021 erdhi dhe vetë Aishe Haklaj në Tiranë, në kushte të vështira erdhi, ku donte të shikonte situatën nëse do të goditej krimi i organizuar i përzier me shtetin dhe kriminelët e organizuar, apo nëse ishte një farsë. Asaj iu duk klima e përshtatshme për të bërë kallëzimin penal për të gjetur të vërtetën për vrasjen e vëllezërve të saj por edhe të gjysmës së familjes Haklaj, pasi janë 14 persona të vrarë”, tha Beqiri.

LEXO GJITHASHTU:

• “Dhunimi i varreve të Haklajve”- Reagon ashpër Azgan Haklaj: I bëjnë vetëm sllavët
• “Pse u thirr në fushatë”- Avokati i Haklajve përplaset me gazetarin dhe lë studion
• “Fatmiri qëlloi Hakiun”- dëshmia e Zylfie Haklajt për konfliktin me familjen Hoxha