“Pse u thirr në fushatë”- Avokati i Haklajve përplaset me gazetarin dhe lë studion

Është shqoëruar me debate dhe përplasje të forta, mes gazetarit Ferdinant Dervishi dhe avokatit Idajet Beqiri, emisioni Review në Euronews Albania, ku u diskutua padia e bërë nga familja Haklaj kundër Sali Berishës në SPAK.

Gazetari Ferdinant Dervishi tha se thirrja e Aishe Haklajt në SPAK në kohë fushate është një çështje që kërcet pasi nuk mund të dalë kurrësesi nga konteksti politik.

Ndërkohë që avokati i familjes Haklaj tha se nuk mund të marrë pjesë në diskutime ku politizohet dhe hidhen akuza ndaj SPAK-ut, duke u larguar live nga emisioni.

Pjesë nga diskutimi:

Ferdinant Dervishi: Kjo histori çalon në dy pika, është dy javë përpara zgjedhjeve dhe mund ta kishit thirrur atë pak më mbrapa, pas zgjedhjeve.

Idajet Beqiri: Nuk ka lidhje!

Ferdinant Dervishi: Dhe e dyta po merr peshë politike pasi po goditet lideri i opozitës!

Idajet Beqiri: Po goditja e non-gratës!

Ferdinant Dervishi: Këto janë dy problematikat e kësaj çështjeje. Unë jam dakord që vrasësit të shkojnë përpara drejtësisë por kjo çështje çalon.

Beqiri: Unë jam për këto analiza. Nuk mund të politizojë unë SPAK-un dhe afatet e tyre proceduriale, se kur të thërrasin e dinë ata, se kanë një plan. Po ndërruan planin hetimor, SPAK-u të pyet, jo zgjedhje të jenë. Ju e futni në rrugën e degjenerimit politik dhe SPAK-un. Unë kaq kisha, më jepni leje tani të iki.

LEXO GJITHASHTU:

• “Dhunimi i varreve të Haklajve”- Reagon ashpër Azgan Haklaj: I bëjnë vetëm sllavët
• “Pse u thirr në fushatë”- Avokati i Haklajve përplaset me gazetarin dhe lë studion
• “Fatmiri qëlloi Hakiun”- dëshmia e Zylfie Haklajt për konfliktin me familjen Hoxha