Mbyten 11 persona në Indi nga rrjedhja e gazit

Rreth 11 persona kanë humbur jetën të dielën në Indi për shkak të rrjedhjes së gazit në një zonë industriale.

Mediat e huaja, bëjnë me dije se rrjedhja e gazit ndodhi në Giaspura, një zonë industriale në Punjab.

“Njëmbëdhjetë vdekje janë konfirmuar,” u tha gazetarëve Mandeep Singh Sidhu, komisioneri i policisë në atë zonë duke shtuar se katër persona u shtruan në spital.

Shkaku i rrjedhjes ende nuk dihet.

Pesë gra ishin në mesin e atyre që vdiqën, raportoi transmetuesi NDTV, ndërsa gjashtë viktimat e tjera përfshinin dy djem të moshës 10 dhe 13 vjeç, sipas autoriteteve.

Rrjedhjet e gazit industrial për shkak të standardeve të dobëta të sigurisë dhe kontrolleve të pamjaftueshme janë të zakonshme në Indi.

Gushtin e kaluar, të paktën 112 gra u shtruan në spital pas një rrjedhje gazi në një fabrikë të prodhimit të veshjeve në shtetin jugor të Andhra Pradesh.

LEXONI GJITHASHTU: 

• Këlliçi: 7 mln euro në vit për fshatrat e Tiranës, subvencionim për fermerët
• Politika e Malit të Zi, gazetari: Ka komuna që duan të tërhiqen nga njohja e Kosovës