31-vjeçari u vetë-plagos, detajet që ‘tradhtuan’ vrasësin e shqiptares në Itali

Ka lënë spitalin ditën e sotme Osman Bilyhu autori i dyshuar i vrasjes së Anila Ruçit, 38-vjeç më 19 Prill, në zonën e Scdasole.

Mediat e huaja, bëjnë me dije se 31-vjeçari është dërguar aktualisht në burgun e Torre del Gallo.

31-vjeçari u gjet me plagë të rënda në bark dhe kraharor më 19 Prill. Ai kishte thënë para policisë se i kishte marrë plagët nga “një sulm me thikë nga një person i panjohur, gjatë së cilit u vra e reja shqiptare ndërsa ai u plagos”.

Por hetuesit nuk e besuan dëshminë e tij ndërsa kuptuan se ishte vet i riu që kishte shkaktuar plagët në trupin e tij.

Në këtë rezultat doli ekspertiza e mjekëve. Po ashtu, u morën nën shqyrtim kamerat e sigurisë të cilat nuk filmuan asnjë person tjetër që të hynte apo të dilte nga shtëpia e tyre.

Këto janë dy prova të cilët autoritetet dyshojnë se Bilyhu është vrasësi i 38-vjeçares, por ende nuk është sqaruar ngjarja.

Marrëdhënia mes Bilyhut dhe Ruçit nuk është përcaktuar ende. Në fshat ata e prezantonin njëri-tjetrin si motër e vëlla, por nuk kishin lidhje gjaku. Madje dyshimet janë që mes tyre nuk ka pasur një lidhje dashurie.

Motra e vërtetë e 31-vjeçarit, e cila jeton në një provincë të Pavias po pret autorizimin që të takojë vëllain. Ky i fundit nuk ka njohur avokaten që ka vendosur e motra, duke kërkuar një të ri.

Anila Ruçi u gjet e pajetë e goditur me thikë në qafë në derën e pasme të banesës së saj. Ajo që dha alarmin ishte estetistja e saj pasi e reja kishte planifikuar një takim me të, por nuk ishte paraqitur.

LEXONI GJITHASHTU: 

• Me furgonin plot me dru të prera në mënyrë të paligjshme, e ‘pëson’ 34-vjeçari
• Seria A| Napoli ‘shtyn’ festën, Juventusi nuk mund dot as Bolonjën