Zgjedhjet e 25 prillit, Tiranës i shtohen dy mandate deputeti

Kryetari i Komisionit Shtetëror të Zgjedhjeve, Ilirjan Celibashi i ka dërguar për miratim anëtarëve të Rregullatorit shpërndarjen e mandateve sipas zonave zgjedhore.

Në këtë projektvendim, drejtuesi i KSHZ-së propozon që qarkut të Tiranës t’i shtohen edhe dy mandate të tjera parlamentare duke e çuar numrin në 36.

Këto dy mandate do të hiqen nga qarku i Dibrës dhe qarku i Gjirokastrës. Ky propozim behet sipas të dhënave të Drejtorisë së Gjendjes Civile, ku qarku i Tiranës duket se ka vijuar të ketë rritje popullsie.

Kësisoj Dibra nga gjashtë deputetë do të nxjerrë pesë të tillë, ndërsa qarku i Gjirokastrës nga një me pak se në vitin 2017, pra katër mandate.

Kjo do te jetë rritja e dytë e mandateve për qarkun e Tiranës pas asaj të vitit 2017.