Një ditë pas tragjedisë në Serbi, lot, qirinj e grumbuj nxënësish pushtojnë shkollën

Memorialë të improvizuar janë ngritur në qytetin e Beogradit, teksa kryeqyteti serb vajton 8 fëmijët dhe një roje sigurie që mbetën të vrarë në një sulm me armë ndaj një shkolle, nga një nxënës 13-vjeçar.

Agresori plagosi gjithashtu 6 fëmijë të tjerë dhe një mësues, përpara se t’i dorëzohej policisë.

“Fëmijët vdiqën. Njerëz të tjerë po ashtu. Nuk duhet të kishte ndodhur. Është njerëzore të thuash që më vjen keq, por kjo është diçka e tmerrshme”, tha një mësuese për mediat serbe

“Jam me fat që fëmija im është gjallë, por e vendos veten në vendin e atyre prindërve që humbën fëmijët përgjithmonë. Nuk di çfarë të them. Kjo nuk është në shpirtin e shoqërisë sonë. Është hera e parë që ndodh”, tha prindi i një fëmijë që ndjek të njëjtën shkollë.

Mosha e vogël e agresorit dhe të dhënat se ai kishte planifikuar vrasjet ka tronditur të gjithë dhe ka shkaktuar debate për kontrollin e armëve dhe ligjin.

Presidenti serb Aleksandar Vučić po propozon një seri masash të reja, përfshirë një moratorium mbi lëshimin e lejeve të armëmbajtjes dhe rishikimin e atyre të lëshuara deri më sot.

“Në deklaratën e tij, i dyshuari tregoi se kishte planifikuar gjithçka. Ai e shpjegoi këtë në një mënyrë të çuditshme, të cilën nuk mund t’ua shpjegosh atyre që kanë humbur fëmijët”, u shpreh presidenti i Aleksandër Vuçiç.

13-vjeçari dyshohet se ka përdorur armët e të atit, i cili kishte leje për mbajtjen e tyre. Sidoqoftë, të dy prindërit janë arrestuar.

Një studim i fundit e vendos Serbinë në vendin e tretë mes vendeve me më shumë armë në qarkullim, me 39 armë për 100 banorë. Autoritetet fajësojnë luftërat e ish-Jugosllavisë gjatë viteve ’90.

Kryefaqja

Shiko në:

Lajme të Sugjeruara

Bota

Kina ndalon hyrjen e katër deputetëve të Zelandës së Re pas vizitës në Tajvan

Kina u ka ndaluar hyrjen katër ligjvënësve të Zelandës së Re pas pjesëmarrjes së tyre në një vizitë zyrtare në Tajvan, sipas mediave të Zelandës....

08:30 | 04/06/2026

Bota

Protesta e studentëve kundër masave shtrënguese në Kili, 25 të plagosur nga përleshjet

Të paktën 25 persona, përfshirë 12 oficerë policie, u plagosën gjatë përleshjeve midis studentëve dhe forcave të sigurisë në një protestë kundër politikave të kursimit...

08:27 | 04/06/2026

Bota

Kim Jong Un bëri thirrje për zgjerimin eksponencial të arsenalit bërthamor të Koresë së Veriut

Udhëheqësi i Koresë së Veriut, Kim Jong Un, ka bërë thirrje për një zgjerim eksponencial të arsenalit bërthamor të vendit, njoftoi agjencia shtetërore e lajmeve...

08:22 | 04/06/2026