FOTO| Qeni plagos rëndë 7-vjeçarin në Angli, pronarët largohen nga vendngjarja

Një qen plagosi rëndë një djalë 7-vjeçar në një park në Dorset, Angli. Kafsha i la plagë të rënda të miturit, ndërsa pronarët e tij e morën dhe u larguan nga vendngjarja para se të vinte ambulanca.

Qeni e kafshoi 7-vjeçarin në kokë, ndërsa ai ishte duke luajtur.

Një helikopter ambulancë u ul në fushën e parkut dhe e transportoi menjëherë djalin në spital, aty ku dhe iu nënshtrua një operacioni. Fatmirësisht ai është jashtë rrezikut për jetën dhe nuk do të ketë as shenja në fytyrë nga kafshimi.

Policia e Dorset ka filluar një hetim dhe po bën thirrje për dëshmitarë që të ndihmojnë në gjetjen e pronarëve të qenit.