Basha: Qeveria që e ka për detyrë t’i mbrojë njerëzit, nuk po e bën detyrën e vet

Kreu i Partisë Demokratike, Lulzim Basha vizitoi Lina dhe Robert Martini, një çift pensionistësh në kryeqytet, për tu njohur më nga afër me vështirësitë me të cilat kjo kategori po e përballon pandeminë. Çifti i të moshuarve i tregoi kryedemokratit se në rast se do të sëmureshin, pensioni i tyre nuk mjafton për të përballuar ilaçet.

“Mund të flasi qeveria, jep balloma, jep pankarta, jep ashtu po kur  vjen puna tek moj ta marrsha, lek vjen e lek nuk e dim se ku shkon. Mua shyqyr zotit nuk na ka ndodh por me çfarë dëgjoj me shkuar nëpër farmaci me marrë ilaçe…. Nuk e përballojmë. Paracetamol, jo, jo vitamina e çfarë janë ato jo, jo nuk e përballojmë dot. 80 mijë lek shkon energjia, telefoni kjo, ajo.  Edhe shokët e mi që kanë dalë në moshën time me 23 vite pune po deshe ju jap emra me 110 mijë lekë. Ja të them sinqerisht te furra ke bukë të ftohtë. Buka e ftohtë është 300 lekë, ja kështu”, shprehet çifti i pensionistëve.

Basha u shpreh se njëra nga kërkesat e opozitës në planin me 5 pika ishte edhe një shtesë pensioni për moshën e tretë, por as kjo nuk u pranua nga qeveria. “Një 20 mijë lekësh i kërkuam ne, 2 muajt lekë të vjetra për pensionist”, tha kreu i PD.

Sipas Bashës ajo që opozita kërkuar, është e njëjtë me atë që po bëjnë vendet fqinje Kosova dhe Maqedonia e veriut për të përballuar krizën.