Mick Schumacer në Formula 1, sezonin e ardhshëm gjermani do jetë pjesë e skuadrës Haas

Pas një mungese të gjatë më në fund në Formula 1 do të kemi sërish një pjesëtar të familjes Schumacer. Bëhet fjalë për Mick, djalin e legjendës së këtij sporti Michael Schumacer i cili sezonin e ardhshëm do drejtojë një makinë Haas.

Aktualisht ai është pjesë e Formula 2 dhe për momentin ndodhet në krye të kampionati në këtë kategori.

Mick Schumacher është pjesë e akademisë së Ferrarit dhe ka spikatur me performancat e tij në pistë, duke bindur zyrtarët e skuadrës amerikane. 

Debutimi në makinën Haas është parashikuar që në provat e lira të Abu Dhabi-t.

Hera e fundit që kemi parë Michael Schumacer të drejtojë një makinë të Formula 1 ishte në 2012-ën kur ishte pjese e Mercedes, ndërsa tani thuajse 9 vite më vonë, do të jeta radha e djalit të tij 22-vjeçar që të mundohet ta përfaqësojë në mënyrën më të mirë trashëgiminë që i ati ka lënë në këtë sport.

Deri tani paraqitjet e gjermanin kanë qenë të kënaqshme dhe synimi është që në vitet e ardhshme të ulet në timonin e një Ferrari mbase për të rikthyer edhe një herë periudhën e artë Schumacer.