Protesta në Prishtinë, banorët e Krushës kundër vendimit të apelit për lehtësim të dënimit ndaj Tasiç

Dhjetëra banorë të dy fshatrave të Krushës, Krushë e Madhe dhe e Vogël, u mblodhën sot përpara pallatit të Drejtësisë në Prishtinë për të protestuar kundër vendimit të Gjykatës së Apelit për ulje të dënimit ndaj Darko Trasiç.

Protestuesit, kryesisht nëna të fëmijëve të vrarë, kërkuan hapur që gjykata të mos i lehtësojë dënimet e krimeve serbe në Kosovë.

Darko Tasiç është akuzuar dhe dënuar për vrasjen e dhjetëra shqiptarëve të Kosovës në disa fshatra.

Veprat e tij kriminale kanë ndodhur në periudhën e luftës dhe për to gjykata e pati dënuar fillimisht me 22 vite burg.