Italia nxjerr dekret për festat, rekord viktimash në 24 orë

Italia ka shënuar një numër të lartë të viktimave nga COVID-19 që nga fillimi i pandemisë. Në 24 orët e fundit janë raportuar 993 vdekje, 347 prej të cilave në Rajonin e Lombardisë. Po ashtu janë rritur ndjeshëm edhe rastet e reja, pasi në 24 orë janë infektuar 23,225 persona.

Ky është numri më i lartë i vdekjeve dhe të infektuarve që nga fillimi i pandemisë. Pavarësisht karantinës dhe masave të marra nga qeveria italiane, numrat kanë vijuar të jenë të lartë.

Italia bllokon me anë të një dekreti të miratuar ditën e enjte hyrjet nga jashtë dhe mes rajoneve për sezonin e festave të fundvitit, për të penguar shtimin e shifrave të koronavirusit.

Qeveria vendosi të shkurajojë udhëtimet, duke vendosur në karantinë të gjithë ata që hyjnë nga jashtë e duke ndaluar lëvizjet mes rajoneve, duke nisur nga 20 Dhjetori.

Masat synojnë të pengojë veçanërisht italianët që preferojnë skitë, të shkojnë në vendet fqinje si Zvicër apo Austri, pasi qeveria Conte vendosi mbylljen e resorteve deri më 7 Janar.