SHBA nuk hapin kufijtë, skadimi i masës së Trump, Uashingtoni: Jo emigrantë ilegalë

Disa mijëra emigrantë u mblodhën në kufirin SHBA-Meksikë në prag të skadimit të “Titullit 42”, siç njihet masa e ish-presidentit Donald Trump gjatë pandemisë, që lejonte dëbimet imediate të emigrantëve që kalonin ilegalisht kufirin.

Prania e patrullave të Departamentit të Sigurisë së Brendshme u intensifikua në qytetet-kufitare si El Paso, teksa Shtetet e Bashkuara u përpoqën të bindin emigrantët latino-amerikanë të mos tentonin të kalonin kufirin.

“Dua të jem shumë i qartë, kufijtë tanë nuk janë hapur. Njerëzit që kalojnë kufirin ilegalisht, pa baza ligjore për të qëndruar do të gjykohen dhe dëbohen”, tha Alejandro Mayorkas, sekretari amerikan për Sigurinë e Brendshme.

Nga tani e tutje do të nisë aplikimi i “Titullit të Tetë”, ose rregulli që ka qeverisur historikisht emigracionin në Shtetet e Bashkuara. Krahas kësaj, administrata Biden ka njoftuar masa të reja që kufizojnë aksesin e azilkërkuesve.

Por republikanët në Kongres po ngrenë zërin për një linjë më të ashpër dhe të enjten miratuan një draft për ngritjen e pjesëve të tjera të murit mes SHBA-së dhe Meksikës.

LEXONI GJITHASHTU:

• SHBA, BE dhe Britania do të mbështesin hetimin e krimeve ruse në Ukrainë
• Kaos në kufirin SHBA-Meksikë pas skadimit të Artikullit 24