Kapllanaj: Do denoncojmë ata që sillen me armë në brez, mos t’ju frikësojë humbja

Kandidati i Partisë Demokratike për bashkinë Mallakastër, Agron Kapllanaj ka denoncuar presionet dhe praninë e bandave të armatosura në qytet.

Sipas tij, diçka e tillë po vjen si pasojë e frikës nga humbja.

“Gjatë gjithë ditës, qyteti është mbushur me persona të panjohur e të armatosur, të cilët janë përpjekur të ushtrojnë presion ndaj qytetarëve. Elementë të keqpërdorur nga mazhoranca si Aranit Dautaj, apo djali i administratorit të Njësisë Administrative Fratar, gjatë gjithë kohës provokojnë mbështetësit dhe përfaqësuesit e Partisë Demokratike, duke provokuar incidente,” – thuhet në denoncimin e Kapllanajt.

Ai u shpreh se do të vijojnë një proces zgjedhor me standarde dhe do të referojnë në polici çdo incident.

LEXONI GJITHASHTU:

• Alibeaj prezanton Kapllanajn në Mallakastër, kërkon ndjesë për 2019-tën
• Agron Kapllanaj i përgjigjet Berishës: Më hodhi poshtë sakrificën 32-vjeçare