Vendi i parë në botë që miratoi vaksinën e ‘Pfizerit’, mjekja shqiptare në Mbretërinë e Bashkuar: Lajm mahnitës 

Mbretëria e Bashkuar të mërkurën u bë vendi i parë në botë që miratoi vaksinën e Pfizerit për luftimin e coronavirusit.

Sipas ekspertëve mjekësorë britanikë, vala e parë e vaksinimeve mund të parandalojë deri në 99% të shtrimeve dhe vdekjeve në spitalet COVID.

Autoritetet kanë lehtesuar masat për periudhën e festave, por numri i të infektuarve ditorë vazhdon të jetë i lartë.

Doktoresha Ardiana Gjini, specialiste e shëndetit publik në Londër tha për Euronews Albania se fillimi i vaksinimit kundër COVID është një ndër lajmet më të mira që kemi pasur ndër vite.

“Është një lajm mahinitës që një vaksinë e suksesshme u zhvillua dhe jemi të lumtur që Britania do të fillojë e para vaksinimin.

Komiteti që merret me strategjinë e vaksinimit ka bërë listën e personave prioritarë  për tu vaksinuar. Numëri është i kufizuar, filimisht janë 800 mijë doza që do të nisin me vaksinimin e të moshuarve në azile e më tej mjekët e personat mbi 80 vjeç”, tha ajo.

Mjekja tregoi se protokollin e mjekimit ndaj COVID në spitalet e Mbretërisë së Bashkuar vetëm 2 medikamente janë treguar të suksesshëm; kortizon dhe një medikament i ri që zvogëlojnë shanset e vdekjeve.