Çani flet për Himarën: Nuk i them dot të gjitha… Pse iu la Fredi Belerit bashkia

Gazetari Arjan Çani tha në emisionin Now në Euronews Albania se fitorja e Fredi Belerit erdhi në një situatë shumë komplekse dhe si rezultat i bashkimit të disa rrethanave.

Sipas Çanit, duhet të plotësohen shumë kritere që të arrihet një sukses, dhe në rastin e Belerit mesa duket ka pasur një kimi mes tij dhe popullit të Himarës që e votuan.

“Nuk i them dot të gjitha, Himara është komplekse. Gjithmonë atje nuk ka pasur ndonjëherë hendek të thellë, në këtë rast ishin krijuar kushtet. Goro kishte 3 mandate, ndoshta njerëzit ishin lodhur, Beleri nga ana tjetër ishte insistues. Plus që është e vështirë të bësh inxhinieri elektorale kur ti ke futur 2 ditë para në burg kandidatin. U la kjo gjë të shkonte normalisht dhe ndodhi ajo që ndodhi. Duhet të plotësohen shumë kritere që të arrihet një gjë. Rama që është sot në pushtet nuk është rastësisht. Mund të jetë një djalë shumë i mirë, ka ngjitur. Duhet të plotësohen shumë gjëra që të arrish në sukses”, tha Çani.

LEXONI GJITHASHTU:

• Beleri kërkesë Drejtorisë së Burgjeve: Më çoni në spital, jam sëmurë me diabet
• Skenarët për Himarën, Beleri fitoi garën kundër PS, beteja e radhës është në gjykatë