Rumani, kryeministri Orban jep dorëheqjen pas humbjes përballë populistëve të majtë

Kryeministri i Rumanisë, Ludovic Orban, ka dhënë dorëheqjen, pas një gare të ngushtë elektorale përballë Social Demokratëve.

Orban, lideri i Partisë Nacional Liberale (PNL) njoftoi dorëheqjen gjatë një dalje televizive pas një rezultati zhgënjyes të partisë së tij zgjedhje.

Me 95 për qind të votave të numëruara, Social Demokratët (PSD) kanë fituar rreth 30 për qind çka mund të mos jetë e mjaftueshme për të formuar qeverinë e re.

Më herët gjatë së hënës, Orban ka përjashtuar mundësitë për të hyrë në bisedime me Social Demokratët mbi formimin e një koalicioni, por nuk ka dhënë një sqarim më të qartë sesi partia e tij shpreson të arrijë shumicën qeverisë.

“Dua të jem shumë i qartë. Nuk do të negociojmë kurrë me PSD, nuk do të lejojmë kurrë që PSD të dëmtojë Rumaninë”, tha Orban.

Orban mori kryesinë e ekzekutivit pas rënies së qeverisë Social Demokrate, partia që ka marrë kritika të ashpra nga BE për ndërhyrjet në gjyqësor dhe skandalet me afera korruptive.

Vetëm 33 për qind e elektoratit rumun ka votuar të dielën, në krahasim me 39.5 për qind në 2016, por kjo sipas mbikëqyrësve ka ardhur si pasojë e pandemisë, por edhe prej zhgënjimit të përgjithshëm nga klasa politike e Rumanisë.

Lajmi në përditësim …