SHBA, 8-vjeçarja vdes në mbajtjen kufitare

Një vajzë tetëvjeçare ka vdekur ndërkohë që ka qenë në mbajtje në Doganat e Shteteve të Bashkuara, për shkak të një urgjence mjekësore, kanë thënë autoritetet. Vajza dhe familja e saj, janë ndaluar në një zonë kufitare në Harlingen të Teksasit, dhe më pas ajo është sëmurur.

Agjencia kufitare amerikane ka thënë se ajo është transportuar në një spital lokal, ku është konfirmuar vdekja e saj. Agjencia për Doganë dhe Mbrojtje Kufitare, ka thënë se do ta hetojë incidentin dhe se Departamenti i Sigurisë Kombëtare, është njoftuar për rastin.

Ky rast shënon vdekjen e parë në territorin e doganës amerikane, në vitet e fundit. Qeveria nuk ka dhënë informacione për urgjencën mjekësore që e ka përjetuar vajza, dhe as rrethanat tjera për vdekjen e saj.

Ky lajm vjen një javë pasi një emigrant 17-vjeçar, i cili ka arritur në SHBA, i pashoqëruar, ka vdekur në një qendër strehimi në Florida.

LEXONI GJITHASHTU:

• Tentoi të dilte nga Shqipëria me pasaportë të falsifikuar, arrestohet iraniania
• Qafoku: 15 maj ditë e rëndësishme, PD drejt fundit të misionit të saj