Tentoi të dilte nga Shqipëria me pasaportë të falsifikuar, arrestohet iraniania

Një 46-vjeçare nga Irani është arrestua ditën e sotme në Rinas pasi ka tentuar të dilte nga Shqipëria me pasaportë false.

Policia bën me dije se iraniania e identifikuar si L.B ka paraqitur në sportelin e PKK Rinas, biletën e udhëtimit dhe një pasaportë çeke për të cilën punonjësi i Policisë Kufitare ka dyshuar se ishte e falsifikuar. Pas ekzaminimit në laboratorin e dokumenteve rezultoi se pasaporta ishte e falsifikuar.

Gjatë kontrollit, kësaj shtetaseje iu gjet edhe një leje për qëndrim në Çeki, e cila gjithashtu rezultoi e falsifikuar.  2 dokumentet u sekuestruan në cilësinë e provës materiale.

Materialet procedurale në ngarkim të shtetases L. B. i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU: 

• Alarme për bomba në shkollat e Serbisë, evakuohen nxënësit e mësuesit
• Qafoku: 15 maj ditë e rëndësishme, PD drejt fundit të misionit të saj