Qafoku: 15 maj ditë e rëndësishme, PD drejt fundit të misionit të saj

Pedagogu Roland Qafoku, komentoi zgjedhjet lokale ku  PS fitoi bindshëm duke marrë 53 bashki.

Në një intervistë për Euronews Albania,  ai tha se kjo Partia Demokratike nuk mund të riformohet përsa kohë drejtohet nga figura të vjetra.

Më tej ai tha se ka djem dhe vajza të reja në këtë parti të cilët mund të vendosen në krye të PD.

Ai komentoi dhe shtrëngimin e duarve në Vaun e Dejës dhe në Kavajë ishte një mesazh qytetarie për të gjithë shqiptarët.

“PD ka plot djem, vajza, burra gra që të ndryshohet lidershipi i PD-së. Nëse mbetemi me të vjetrën që nuk i kanë dhënë por kanë sjellë bumin e PD, kjo parti nuk mund të riformohet e as të rinovohet.  Unë them që më e rëndësishme ka qenë 15 maj se 14 maj. PD është drejt fundit të misionit. Nëse nuk e kuptojnë këta njerëz që duhet t’u dalë ajo pija që i ka zënë. Rama ka një bilanc pozitiv, të jashtëzakonshëm, e jashtë çdo pritshmërive dhe brenda PS. Shtrëngimi i duarve në Vaun e Dejës dhe në Kavajë ishte një mesazh qytetarie për shqiptarët, që kush humb duhet ta pranojë”- tha ai.

LEXONI GJITHASHTU:

• Cili është shteti i parë amerikan që ndalon zyrtarisht Tik Tok
• “Berisha bëri rekurs në Gjykatën e Lartë”- Sefa: Drejtimi i PD i ngarkohet Tabakut