“Kutia e burgut i dha fitoren kandidatit socialist”, Nuri: Dyshojmë për manipulime

18 Maj 2023 | 17:37

Avokati përfaqësues i koalicionit “Bashkë fitojmë”, Franc Nuri tha se ata do i kontestojnë deri në fund rezultatet për bashkinë e Belshit dhe të Rrogozhinës, pasi sipas tij dyshojnë se janë bërë manipulime në kutinë e fundit të numëruar.

Në këto dy bashki rezultati i zgjedhjeve ka qenë shumë i ngushtë dhe fituesi është përcaktuar nga kutia me votat e të burgosurve.

“Kërkojmë informacion për këto dy bashki, sepse rezultati është tepër i ngushtë dhe ky rezultat është përcaktuar mbi bazën e kutisë së votimit të burgut.

Si në burgun e Rrogozhinës edhe në burgun e Belshit, është një kuti që ka qenë përcaktuese, për kryetarin e bashkisë së Belshit dhe të Rrogozhinës. Mendimet tona janë se aty duhet të fokusohemi nëse ka pasur apo jo parregullsi, pasi rezultati ka qenë shumë i ngushtë dhe fituesi u përcaktua nga kutia e burgut.

Në kutinë e burgut 90% e votave kanë shkuar për Partinë Socialiste, ky nuk është një trend normal. Në varësi të provave që ne do të gjejmë nga konstatime dhe këqyrja e kamerave, nëse kishin të drejtë apo jo të votonin, ne do paraqesim kërkesën për rinumërim, kërkesën për pavlefshmëri të zgjedhjeve dhe është e sigurt se në këto dy bashki rezultatin do e kontestojmë deri në fund”,-tha për Euronews Albania avokati Franc Nuri.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Spahiu: E çuditshme, por Malltezi s’mund të akuzohet më rëndë se Berisha

Juristi Kreshnik Spahiu e ka cilësuar të çuditshëm faktin që dhëndri i Sali Berishës, Jamarbër Malltezi të akuzohet më rëndë se vetë Berisha. Në një...
20:18 | 27/10/2023

Spahiu: Prapa SPAK s’është Rama, por SHBA dhe shërbimet inteligjente

Juristi Kreshnik Spahiu tha në një intervistë për Euronews Albania se prapa SPAK-ur, nuk fshihet Edi Rama, por Shtetet e Bashkuara të Amerikës dhe shërbimet...
20:00 | 27/10/2023

Spahiu: Meta nuk arratiset, por nga larg monitoron situatën dhe fiton kohë

Juristi Kreshnik Spahiu ishte këtë të premte i ftuar në Euronews Albania ku tha se ish-presidenti Ilir Meta, nuk do arratiset nga drejtësia, nëse atij...
19:57 | 27/10/2023