“Votuan me mendje se zemrën s’ta japin”, Rama- Becit: Pjesa më e vështirë është tani

Kryeministri Edi Rama ishte këtë të premte në një takim me me grupin e këshilltarëve socialistë të zgjedhur më 14 maj, si forcë e parë politike e Këshillit të ri Bashkiak të Shkodrës, si dhe fituesin e bashkisë Benet Beci.

Në një bashkëbisedim me kryetarin Becin ai i tha se mbarëvajtja e bashkisë është në duart e tij dhe se pavarësisht se gjatë fushatës e ndihmuan të gjithë socialistët në zyrën e kryebashkiakut të Shkodrës ai do të jetë i vetëm.

“Ne të ndihmuam, ta bëmë të lehtë të fitojë bashkinë e Shkodrës, por kur të jesh në zyrë do jesh vetëm. Do jesh ti. Unë kur u futa në politik i kisha flokët e zeza, tani më janë zbardhur fare, është shumë përgjegjësi”,-kështu ju drejtua Rama, Benet Beci i cili më 14 maj u votua si kryabashkiaku i ri i Shkodrës gjë që shënoi edhe një pikë kthese në historinë e qytetit që është udhëhequr gjithnjë prej demokratëve.

Ai tha gjithashtu se tashmë është momenti që Benet Beci të vlerësojë besimin e atyre që e votuan e po ashtu të fitojë edhe besimin e të tjerëve. Sipas kryeministrit Beci Nuk do e ketë të lehtë, pasi është i rrethuar nga demokratët, por duhet të punojë shumë për këtë.

“Do të kesh presion të madh duhet që ta mbash atë, duhet të bësh një bashki për të gjithë qytetarë të Shkodrës nëse do që të mbështesin siç të mbështetën sepse një herë mund të fitosh, port ë përsërisësh fitoren është e vështirë. Një gjë duhet që të dish nga unë, se sa herë që kam ardhur këtu duke kërkuar vota, kam ngrënë vota.

Këtë herë të kanë votuar me mendje jo me zemër, zemrën nuk ta japin se e kanë djathtas si puna jote, por tua marrësh e tua vendosësh në qendër. Në fushatë që ti e konsidero pjesën më të vështirë është më e lehtë në zyrë është më e vështirë, janë vendimet që të takojnë ty dhe të marrësh vendimet e duhura duhet që të dish të thuash”,-tha kryeministri Rama.

LEXONI GJITHASHTU:

• “Humbja e Berishës në Kamzë, mallkim nga Zoti”, Suli: I bëra varrimin politik
• Bardhi u zgjodh në krye të grupit parlamentar të PD-së, vjen reagimi i Berishës