Greqia bëhet gati për zgjedhje, Sondazhet: Procesi do të shkojë në një raund të dytë

Mbi 9.8 milionë grekë me të drejtë vote do të shprehin të dielën vullnetin e tyre për zgjedhjen e 300 ligjvënësve në Parlamentin me një instancë të vetme.

Mosha e votimit në shtetin helen është ulur për herë të parë në 17 vjeç. Kryeministri konservator Qirjakos Micotaqis po kërkon një mandat të dytë pavarësisht regjimit drakonian për kontrollin e shpenzimeve, të imponuar nga huadhënësit ndërkombëtarë verën e kaluar.

Por Micotaqis ka humbur pikë dyshifrore në sondazhe pas tragjedisë hekurudhore të 28 shkurtit, ku mbetën të vrarë 57 persona.

Anketat tregojnë gjithashtu se zgjedhjet e së dielës nuk do të prodhojnë një fitues direkt në bazë të sistemit të ri të përfaqësimit proporcional.

Ndaj do të jetë i nevojshëm një raund i dytë që do të mbahet në fillim të korrikut, kur sistemi do të favorizojë partinë me më shumë vota, me një shpërblim prej një vendi në Parlament.

LEXONI GJITHASHTU:

• Fushata në Greqi, Mitsotakis dhe Tsipras ashpërsojnë tonet në prag të zgjedhjeve
• Greqia vuri në dijeni Brukselin për arrestimi e Belerit, gazetari: Ja arsyeja