Kyriakos Mitsotakis e mbajti në Selanik fjalimin e parafundit elektoral përpara zgjedhjeve të së dielës. Sikurse tha ai, në lojë në këtë proces është stabiliteti i qeverisjes së vendit. Ai sulmoi partinë SYRIZA dhe planin e saj të shtrenjtë, që sipas tij mund të shkaktojë tronditje  të ekonomisë greke.

 “Sot, Tsipras shkurtoi me 83 miliardë pemën e parave dhe kërkoi drejtësi. As ai dhe as bashkëpunëtorët e tij nuk mund të flasin. Pyetja për të dielën është para nesh: a duam stabilitet, apo aventura drejt së panjohurës? Shkurt, duam një qeveri të Demokracisë së Re dhe kryeministër Micotakis, apo një qeveri të SYRIZA-s dhe Tsipras kryeministër? Zgjedhja është në duart tuaja”,-u shpreh Qirjakos Mitsotakis, kryeministër i Greqisë

Nga ana e tij, Aleksis Tsipras foli në Athinë dhe u bëri thirrje qytetarëve të votojnë partinë e tij për të ndalur atë që e quajti “makthi i qeverisjes së Mitsotakis-it”. Tsipras theksoi se një qeveri progresiste do të vijë në pushtet të hënën e ardhshme dhe u bëri thirrje partive të tjera të jenë të hapura për negociata.

 “Ne kërkojmë sot, me sinqeritet dhe zemër të hapur, që qytetarët të mos i japin një shans të dytë kësaj qeverie; por t’ia japë shansin e parë programit tonë, mënyrë sonë të qeverisjes pa detyrime, pa memorandume, pa Trojkë, pa Gjermani dhe pa politikat e tyre imponuese. Kjo do të thotë t’ia japësh votën SYRIZA-s dhe ndryshimit. Do të thotë rritje pagash, ulje çmimesh, shlyerje e borxheve dhe forcimi i një shteti social për të gjithë qytetarët. Kjo është vota për ne”,-tha Alexis Tsipras, kryetar i SYRIZA

LEXONI GJITHASHTU:

• Gjendet i vdekur punonjësi i sigurisë së ambasadës së Malit të Zi në Tiranë
• Volkswagen shet të gjitha asetet e veta në Rusi për 125 milionë euro