Pse nuk arrestohet Suel Çela? Avokati Eugen Beci shpjegon arsyet

Ish-prokurori i Krimeve të Rënda Eugen Beci ishte i ftuar këtë të shtunë në Euronews Albania ku u pyet në lidhje me mosarrestimin e Suel Çelës edhe pse ka kaluar një vit nga shpallja e tij në kërkim ndërkombëtar.

Beci tha se nga pikëpamja proceduriale GJKKO e ka mbaruar detyrën e saj me shpalljen në kërkim ndërkombëtar të personit. Sipas tij tashmë është vetëm në dorën e policisë, e cila në mbështetje nga SPAK, duhet të gjejë vendndodhjen e personit.

“Ky është një process që nga pikëpamja proceduriale realizohet në fshehtësi dhe në sekret të plotë për sa i përket zbulimit të vendodhjes së një personi i cili ëhstë në kërkim për shkak të një mase sigurimi që i ka caktuar Gjykata e Posaçme. Nga pikëpamja proceduriale, Gjykata e Posaçme ka realizuar tërë procesin, nxjerren e masës së sigurimit dhe shpalljen në kërkim ndërkombëtar të këtij shtetasi.

Tani është absolutisht vetëm detyra e policisë që të bëjë kërkime të plota për këtë person, me mbështetjen e Prokurorisë së Posaçme. Nga pikëpamja proceduriale do të duhet që çdo informacion i inteligjencës informative që merr policia të përkthehet në veprime proceduriale për të realizuar procesin e përgjimit dhe lëvizjes së personave për të gjetur më pas vendodhjen e saktë të personave”, tha Beci.