Zgjatet afati i qëndrimit të shtetasve ukrainas në Shqipëri

Shtetasve të Ukrainës që hyjnë në Shqipëri u ndryshon afati i qëndrimit në vendin tonë nga 1 vit që ishte, në 2 vjet.

Vendim është marrë në mbledhjen e sotme të Këshillit të Ministrave.

“Në mbështetje të nenit 100 të Kushtetutës dhe të pikës 2, të nenit 29, të ligjit nr.79/2021, “Për të huajt”, me propozimin e ministrit të Brendshëm dhe të ministrit për Evropën dhe Punët e Jashtme, Këshilli i Ministrave vendosi:

Në pikën 1, të vendimit nr.169, datë 18.3.2022, të Këshillit të Ministrave, “Për përcaktimin e afatit të hyrjes dhe qëndrimit të shtetasve të Ukrainës në Republikën e Shqipërisë”, togfjalëshi “… 1 (një) vit …” zëvendësohet me “… 2 (dy) vjet …”, thuhet në VKM.

LEXONI GJITHASHTU:

• Macron thotë se Franca do të trajnojë pilotët ukrainas
• Rusia pretendon se ka zmbrapsur sulmin ukrainas me dron në Krime