Protesta e pazakontë e Lëvizjes Bashkë, u hedhin para deputetëve që hyjnë në Kuvend

Aktivistët e Lëvizjes Bashkë, zhvilluan këtë të enjte një protestë pranë Kuvendit të Republikës, ku kundërshtuan rritjen e pagave të deputetëve.

Aktivistët ishin vendosur në hyrjen e parlamentit dhe u hodhën në mënyrë simbolike para të fotokopjuara deputetëve të cilët futeshin për në seancë.

Protestuesit u shprehën se parlamenti shqiptar është kthyer në një ambient luksi dhe se deputetët nuk e meritojnë dyfishimin e pagës, në një vend ku pensioni minimal është 80 mijë lekë të vjetra.

“MOS U NGOPSHI! Kjo ishte parulla me të cilën aktivistët e Lëvizjes Bashkëpritën deputetët në hyrje të sallës së seancave të Kuvendit të Shqipërisë.

Vendimi i dyfishimit të pagave të deputetëve dhe pushtetarëve të lartë është i padrejtë dhe i pamerituar. Në kushtet ku në Shqipëri pensioni minimal mbetet 8000 lekë, pensioni mesatar 15.000 lekë, nuk ka minimum jetik dhe pagat janë nga më të ultat në Evropë, vendimi për rritjen galopante të pagave të pushtetarëve është edhe i neveritshëm.

Lëvizja Bashkë do t’i vazhdojë aksionet dhe protestat kundër padrejtësive shoqërore, duke u fokusuar veçanërisht te projektligji i minimumit jetik dhe nevoja e rritjes së pagave dhe pensioneve”, reagoi përmes një postimi në facebook Lëvizja Bashkë.

LEXONI GJITHASHTU: 

• “Mos u ngopshi”- Lëvizja Bashkë protestë kundër rritjes së pagave të deputetëve
• Ylli Merja këshillon: 20 minuta duhet të dilni në diell, pa krem mbrojtës