Zidane refuzon ofertë faraonike të Al Nassr: Do qëndroj në Evropë

Prej dy vitesh vijon të jetë pa skuadër, por kjo nuk e nxiton legjendën e futbollit francez Zinedine Zidane të gjejë destinacionin e radhës.

I kërkuar nga shumë ekipe në Evropë dhe jo vetëm, 50-vjeçari ka refuzuar një ofertë të majme nga Al Nassr.

Sipas asaj që raportojnë mediat franceze, klubi arab i ka ofruar francezit 75 milionë euro në sezon me një kontratë 2-vjeçare.

Përgjigjja ka qenë një jo e prerë nga tekniku që fitoi 3 herë Ligën e Kampionëve me Realin e Madridit. Arsyeja e përmendur prej tij ka qenë se dëshiron të drejtojë një skuadër evropiane, pavarësisht pagës së çmendur të ofruar në tokën arabe.

Duket se kalimi i Zizou tek Al Nassr ka qenë një dëshirë e Ronaldos, e cila u plotësua menjëherë nga drejtuesit e klubit, por bashkimi i dyshes që fituan së bashku disa trofe nuk do të jetë i mundur. Kujtojmë se Zinedine Zidane në karrierën e si trajner ka drejtuar vetëm skuadrën e Realit të Madridit aty ku fitoi dy kampionate, dy superkupa dhe 3 trofe të Ligës së Kampionëve.

LEXONI GJITHASHTU:

• Zinedine Zidane drejt skuadrës angleze, ofrohet shumë marramendëse për francezin
• Deschamps apo Zidane? Le Parisien zbulon trajnerin e ri të Francës