Skuadra e Chelseas këtë sezon ka treguar se paratë nuk janë një problem, mjafton që të përmbushen objektivat e vendosur nga pronarët amerikanë. Plot 360 milionë euro të shpenzuara në merkaton e janarit dhe 240 në atë të verës së shkuar, i bëjnë londinezët klubin që ka transferuar më tepër lojtarë.

Një tjetër nënshkrim ishte dhe ai i trajnerit Graham Potter, i cili nuk po kalon një formë të mirë në krye të skuadrës, duke konfirmuar krizën e rezultateve.

Në këtë pikë, investitori Todd Boehly po mendon për afrimin e teknikut francez Zinedine Zidane. Mediat britanike pohojnë se tashmë kanë nisur bisedimet mes palëve, ndërsa shumë pritet ta bind ëish-mesfushorin e njohur.

18 milionë euro në sezon do të fitojë Zidane nëse pranon të bëhet pjesë e bluve të Londrës, si dhe do të ketë dorë të lirë në këtë merkato verore. Kjo është mënyra e përzgjedhur nga klubi për të joshur 50-vjeçarin, i cili aktualisht është pa ekip.

Kujtojmë se Zidane me Realin e Madridit fitoi 9 trofe, mes tyre 3 herë Uefa Champions Leaguen. Emri i tij është përfolur në disa klube, por deri më tani asgjë zyrtare, teksa shifra e ofruar nga Chelsea pritet ta bindë francezin.

LEXONI GJITHASHTU

• Hidhet shorti i Europa League, ekipet e mëdha ia ‘hedhin’ lehtë
• Tërmeti shoqërohet me dhunë në Turqi, shkelma dhe grusha në ndeshjen e bamirësisë