Situata e tensionuar në veri të Kosovës, reagon KFOR-i

Misioni i KFOR-it ka reaguar në lidhje me situatën e tensionuar në veri të Kosovës. Përmes një komunikate zyrtare, KFOR i bën thirrje të gjitha palëve që të përmbahen dhe të mos nxisin veprime që do të përshkallëzojnë situatën.

Gjithashtu KFOR nënvizon se janë marrë të gjitha masat e nevojshme për një mjedis të sigurt në veri të Kosovës.

“Ne u bëjmë thirrje të gjitha palëve të përmbahen nga veprimet që mund të nxisin tensionet ose të shkaktojnë përshkallëzim. Në përputhje me mandatin e tij, KFOR-i është i gatshëm të ndërmarrë të gjitha veprimet e nevojshme për të siguruar një mjedis të sigurt në mënyrë neutrale dhe të paanshme. Komandanti i KFOR-it mbetet në kontakt të ngushtë me bashkëbiseduesit e tij kryesorë, duke përfshirë përfaqësuesit e Institucioneve dhe Organizatave të Sigurisë në Kosovë, Shtabit të Përgjithshëm të Forcave të Armatosura të Serbisë, si dhe me misionin e udhëhequr nga BE-ja për Sundimin e Ligjit (EULEX) dhe përfaqësues të tjerë të komunitetit ndërkombëtar”, thuhet në komunikatë.

LEXONI GJITHASHTU: 

• Serbët vizatojnë simbolin e Putinit mbi automjetin e KFOR-it amerikan në Veri
• Çfarë po kërkojnë serbët? Flet eskluzivisht për Euronews përfaqësuesi i Listës Serbe